Imam Mahdi (a.s.) ke talluk se Ashaar

Chalo bazme sukhan mein chalte hai, 

Chalo noor ki anjuman mein chalte hai, 

aur khatm karke tilawate quran, 

madhe ahlebait mein chalte hai.

fiza mehekti hai, to koi gulaab bhi hoga 

andhera hai, to koi aftaab bhi hoga, 

daleel-e-hujjat-e-qaem hai khud, 

zameen ka wajood turaab hai to kahin, bu turaab bhi hoga.

kis tarha karta hai quran ki tilawat quran 

parda-e-ghaib jo hat jaaye to yeh manzar dekhu 

sochta hun areeze ka takalluf kaisa 

khud is baar mein dariya mein utar kar dekhu

parda rukhe raushan se hatana bhi qayaamat hai 

deewano ko jalwa naa dikhana bhi qayaamat hai 

jab tak na woh aayenge, naa aayegi qayaamat 

aanaa bhi qayaamat hai, naa aana bhi qayaamat.