Header Ads

Ayatullah sadiq shirazi ke khilaf ye kaisee sazish?

Ajkal iss social media ke daur me humare samne kai aise bhi chize aati hai jiska haqiqat se koi lena dena nahi hota. Kabhi koi editing ki huwi video clips ya fir koi khudpasand aalim jo apni pasand na pasandi ki bina par dusre aalim ko bura kahta ho. Kahi koi photoshop editing ki huwi tasweer hoti hai. 

Ajkal aam ya padhaa likha insan bhi inn sab propoganda ke shikar ho jata hai. Ab aise halaat me sahi aur galat me fark karna kathhin ban jata hai. Isee liye har wo cheez jo aap ko social media me mile use sahi na maan le' balki iss ki tah tak jaye ki kaha tak ye sahi hai?

Aise'hi hum dekhte hai ki kuchh nasamaj log MI6 aur Israeli agent jaise alfaaz ke ke saath tasaweer aur videos share karte hai jisme aali qadr aur buzurg oloma jaise ki Ayatullah Sadiq shirazi, Ayatullah Waheed khurasani aur Ayatullah Basheer najafi ki tauheen nazar aati hai.

Agar waqeyan yeh MI6 k agent hain to Aga khamanai aur Ayatullah sistani k saath saath tamam marajae e kiraam bayan kyon Nahi De rahe? 

Khul Kar bayan dena Chahiye buzrugaan ko!

Ayatullah sadiq shirazi Qum, Iran me rahte hai, koi bhi unse jakar mulaqaat kar sakta hai aur sawalat bhi kar sakte hai, bajaye ki social media par unke khilaaf be bunyaad baate likhne ke. Aap ek marjae taqleed bhi hai jinki taqleed Iran, Iraq, Kuwait, Bahrain, UK, US, India aur digar maqamaat pe momeneen karte hai. Ab inn haalat me agar Aga khamenai ke chahne wale Shirazi ko bura bolenge to Shirazi wale bhi unhe bura bolenge aur ye silsilaa chalta rahe ga aur qaum tukdiyo me baatdi jayegi.

Ayatuallah sadiq husaini shirazi ne bahot saari kitaabe likhi hai jaise ki 'Al mahdi fil quran' 1978 me likhi jisme wo Imam Mahdi atfs ke hawale se bahot sari quran ki ayate ahle sunnat ki kitaabo se laye hai, kitab Ahlulbayt fil quran wagaira bhi likhi hai. Aur unki kitaabe hauze me bhi padhaai jati hai. Unki likhi huwi kitaabe english, urdu aur hindi zaban me translate bhi ki gayee hai. Unka hauza Qum, Shiraz, Karbala etc. me maujood hai. 

Ayatullah shirazi ne daesh aur ISIS ke khilaf bhi kam kiya hai aur bayanat diye hai. Aur iraq ke kuchh groups bhi unse mulaqaat karte the jinki news links aur tasweer maujood hai.

Ayatullah sadiq shirazi ke maqam par majlis me shirqat karne aur mulaqat karne ke liye Ayatullah Sistani ke vakil, Aga shahristani ki tasweer. 
Image may contain: 2 people, people sitting

Sheikh Abdul Mahdi Al-Karbalai, Vakil Ayatollah Sistani &  general secretary Roza'e Imam Hussein (a.s), Ayatollah Sayid Sadiq Shirazi ke saath click here for news details


Jab marjae aali qadr Ayatullah Sistani, inke khilaf nahi hai to koi aira gaira aalim mimbar ka galat istemaal karke kaise public ko Shirazi ke khilaaf galat aur bebuniyaad ilzaam lagate firta hai aur public bhi koi suboot nahi mangti aur social media par wohi propoganda ko aam karti hai. Kya zamane ka imam inn sab chizo ko nazar andaaz karega jo humare har kam se waqif hai?


Ayatullah waheed khurasani, Ayatullah sadiq shurazi sahab se mulaqaat karte huwe.



Ayatullah Ali Hussaini Milani, Ayatullah Shirazi ke saath
Related image

Ayatullah safi gulpaygani mulaqaat karte huwe.
Related image

Ayatullah Shubayri zanjani ke humraah  click here for news details


Ayatullah Basheer najafi ke farzand ke saath
Image result for sadiq shirazi with sistani vakil

Sheikh Usama al attar mulaqaat karte huwe
Image result for sadiq shirazi with ayatullah

English shia scholar Ammar naqshwani mulaqat karte huwe
Image result for sadiq shirazi with ammar nakshawani


India ke Shameem ul Millat (Banaras) aur Unkey farzand ne Ayatollah Sadiq Al Shirazi se ki MulakhatImage may contain: 1 person, sitting

India ke maulana Hameedul hasan sahab mulaqaat karte huwe


Aakhir me bas itna hi ki social media ki har baat par bharosa na kiya jae aur baat ki teh tak jaye taki haqiqat ka andaza ho.

Mazeed maloomat ke liye aap www.shirazi.ir par rabata kare.

Wassalam,

2 comments

Bande khuda said...

Jazakallah

Unknown said...

Syed sadiq shirizi sahb ko bura bala kehne wale sirf apni dukaan ko chamkane k liye krte han ye sb...wrna aaj tk na sirf aak marje taqleed ne un k bare me aisa kha blki hamare marjaye taqleed un se milne k lkye jate han